Poslovne vijesti - Makedonija

Порше Македонија го донесе новиот Фолксваген Тигуан

На инспиративна локација - Куршумли Ан, вчеравечер во Старата скопска чаршија во склоп на првото издание на Скопје Design Week 2011, Порше Македонија кој е генерален застапник за брендовите Фолксваген, Шкода и Ауди, го претстави најновото од гамата Фолксваген - новиот Тигуан.

Станува збор за втората генерација на овој автомобил која пристигна во Македонија пред неполн месец.

- Новиот Тигуан е непогрешливо Фолксваген, а сепак е нов и поинаков. Вака изведена комбинација на стил, елеганција, луксуз и способност за совладување непристапен терен досега немаше - рече Владимир Димитровски, бренд-менаџер на Фолксваген.

Според него, интересно е што современите елементи совршено се вклопени со традиционалните кај кои доминира умешното комбинирање на традицијата и современоста, вниманието кон детали, префинетоста, воспоставувањето на совршена рамнотежа меѓу нагласеноста и одмереноста.

Генералниот директор на Порше Македонија, Златко Муцунски истакна дека Тигуанот е уште еден бестселер-модел кој плени со својот експресивен изглед и апсолутен квалитет.

- Произведен од врвни материјали и со неоспорни перформанси, како и сите останати автомобили, Тигуан ќе го задоволи копнежот за нов енергичен и динамичен партнер за живот во движење и постојана возбуда - рече Муцунски.

Освен новиот Тигуан, новина за Порше Македонија е што оваа година се закити со уште две престижни награди: Најдобар работодавач за 2011 година, како и титулата Супербренд за 2011/12 година. Овие награди јасно ја покажуваат прогресивната линија на успешното работење на оваа компанија.